తెలంగాణకు 11.56 లక్షల ఇళ్లు కేటాయించాలని కేంద్రాన్ని కోరిన మంత్రి పొంగులేటి

తెలంగాణ రెవెన్యూ, హౌసింగ్ శాఖ మంత్రి పొంగులేటి శ్రీనివాసరెడ్డి, PMAY-G 2.0 కింద రాష్ట్రానికి ఒకేసారి 11,56,915 ఇళ్లు కేటాయించాలని కేంద్ర మంత్రి శివరాజ్ సింగ్ చౌహాన్ను కోరారు. ఏడాది క్రితమే సర్వే పూర్తయినా లక్ష్యాల ప్రకటనలో జాప్యం జరుగుతోందని ఆయన ఆవేదన వ్యక్తం చేశారు. ఇంటి నిర్మాణానికి రూ.5 లక్షల ఆర్థిక సాయం అందించాలని రాష్ట్ర ప్రభుత్వం నిర్ణయించిందని తెలిపారు.