ಯುಪಿ ಚುನಾವಣೆಗೆ 80 ಕೋಟಿ ನಕಲಿ ನೋಟು ಪೂರೈಕೆ ಯೋಜನೆ ಪತ್ತೆ

ಭಾಸ್ಕರ್ ತನಿಖೆಯಲ್ಲಿ ಯುಪಿ ಚುನಾವಣೆಗೆ 80 ಕೋಟಿ ರೂಪಾಯಿ ಮೌಲ್ಯದ ನಕಲಿ ನೋಟುಗಳನ್ನು ಪೂರೈಸುವ ಯೋಜನೆ ಬಯಲಾಗಿದೆ. ಗುವಾಹಟಿಯಿಂದ ಕಾರ್ಯನಿರ್ವಹಿಸುವ ರಾಹುಲ್ ಎಂಬಾತ ಚೀನಾ-ಪಾಕಿಸ್ತಾನದಿಂದ ಬಾಂಗ್ಲಾದೇಶ ಮಾರ್ಗವಾಗಿ ನೋಟು ತರಿಸಿ, ಪ್ರತಿ ವಿಧಾನಸಭಾ ಕ್ಷೇತ್ರಕ್ಕೂ ವಿತರಣೆ ಮಾಡುವುದಾಗಿ ಹೇಳಿಕೊಂಡಿದ್ದಾನೆ. ಕಳೆದ ಚುನಾವಣೆಯಲ್ಲಿ 65 ಕೋಟಿ ನಕಲಿ ನೋಟು ಬಳಕೆಯಾಗಿದ್ದು, ಈ ಬಾರಿ 80 ಕೋಟಿ ಗುರಿ ಇಟ್ಟುಕೊಳ್ಳಲಾಗಿದೆ ಎಂದು ಆತ ಹೇಳಿದ್ದಾನೆ.