गणेशोत्सवात फटाके बंदी, डीजे-लेझरवर हायकोर्टाचे कडक निर्बंध

मुंबई उच्च न्यायालयाने गणेशोत्सवातील ध्वनिप्रदूषण रोखण्यासाठी १३ कडक निर्देश जारी केले आहेत. सार्वजनिक रस्त्यांवर फटाके फोडण्यावर पूर्ण बंदी, तीव्र लेझर लाइट्सवर प्रतिबंध, साऊंड लिमिटर व डेसिबल मीटर अनिवार्य तसेच मंडळांकडून १ लाख रुपये अनामत रक्कम घेण्याचे आदेश देण्यात आले आहेत. न्यायमूर्ती गिरीश कुलकर्णी आणि नीला गोखले यांच्या खंडपीठाने हा निर्णय दिला असून राज्यभर तात्काळ अंमलबजावणीचे निर्देश दिले आहेत.