పెట్రోల్ బంకుల UPI ఛార్జీలపై కేంద్రం పునఃపరిశీలన

పెట్రోల్ బంకుల్లో యూపీఐ చెల్లింపులపై విధించిన ఎండీఆర్ ఛార్జీలను ఉపసంహరించే దిశగా కేంద్ర ప్రభుత్వం పరిశీలిస్తోంది. రూ. 2,000 పైన లావాదేవీలకు రూ. 5 చొప్పున ఛార్జీ విధించడంపై డీలర్ల సంఘం ఆల్ ఇండియా పెట్రోలియమ్ డీలర్స్ అసోసియేషన్ ఆందోళన వ్యక్తం చేసింది. తక్కువ కమిషన్‌తో నడిచే వ్యాపారులపై ఈ ఛార్జీ భారంగా మారుతుందని, డిజిటల్ లావాదేవీలు నిరుత్సాహపడతాయని హెచ్చరిస్తున్నారు. త్వరలో స్పష్టమైన మార్గదర్శకాలు వెలువడే అవకాశం ఉంది.