ഐക്യരാഷ്ട്രസഭയിൽ പാക് മാധ്യമപ്രവർത്തകനോട് ജയശങ്കർ രൂക്ഷമായി പ്രതികരിച്ചു

ന്യൂയോർക്കിൽ ഐക്യരാഷ്ട്രസഭാ പൊതുസഭാ സമ്മേളനത്തോടനുബന്ധിച്ച വാർത്താസമ്മേളനത്തിൽ ഭീകരവാദത്തെക്കുറിച്ചുള്ള പാകിസ്ഥാൻ മാധ്യമപ്രവർത്തകന്റെ ചോദ്യത്തിന് ഇന്ത്യൻ വിദേശകാര്യമന്ത്രി എസ്. ജയശങ്കർ മറുചോദ്യത്തോടെ തിരിച്ചടിച്ചു. ഭീകരവാദ രാജ്യമാണോ തന്നോട് ചോദിക്കുന്നതെന്ന് ജയശങ്കർ ചോദിച്ച് വേദി വിട്ടു. ലൈബീരിയൻ വിദേശകാര്യമന്ത്രി സാറ ബെയ്സോളോ ന്യാൻതിക്കൊപ്പമായിരുന്നു സമ്മേളനം. യുഎൻ സ്ഥിരം പ്രതിനിധി പി. ഹരീഷ് മറുപടി വ്യക്തമായെന്ന് അറിയിച്ചു.