मुंबईत सार्वजनिक शौचालयात रासायनिक वायूने दोन तरुणांचा मृत्यू

मुंबईतील राम मंदिर पूर्व भागातील सार्वजनिक शौचालयात तीव्र रासायनिक वासामुळे दोन तरुणांचा मृत्यू झाला. प्रभाकर धनावडे (२४) आणि भाविन देसाई (१८) यांना जोगेश्वरी येथील ट्रॉमा केअर रुग्णालयात दाखल करण्यात आले, मात्र पहाटे ३.४९ वाजता त्यांना मृत घोषित करण्यात आले. पोलीस, अग्निशमन दल, महाराष्ट्र प्रदूषण नियंत्रण मंडळ आणि बृहन्मुंबई महानगरपालिकेचे पथक घटनास्थळी पोहोचले असून वायूचा स्रोत आणि मृत्यूचे नेमके कारण तपासत आहेत.