सांगली जिल्हा बँक निवडणुकीत भाजपचा इशारा; महायुती एकत्र लढणार

सांगली जिल्हा मध्यवर्ती सहकारी बँकेच्या निवडणुकीत भाजप आणि महायुती एकत्र लढणार असल्याचे पालकमंत्री चंद्रकांत पाटील यांनी जाहीर केले. पक्षाच्या आदेशानंतर अर्ज मागे घ्यावेत, अन्यथा पद व सदस्यत्वाचा राजीनामा द्यावा, असा इशाराही त्यांनी दिला. सर्व २१ जागांसाठी अर्ज भरण्याचे आवाहन करण्यात आले असून, उमेदवार निश्चितीनंतर अर्ज मागे घेण्याचे निर्देश दिले आहेत.