अहिल्यानगर जिल्हा बँक निवडणुकीवरून महायुतीत धुसफूस; शिंदे सेनेची स्वतंत्र भूमिका

अहिल्यानगर जिल्हा मध्यवर्ती सहकारी बँकेची निवडणूक बिनविरोध करण्याच्या प्रयत्नांना महायुतीतील धुसफूस आडवी आली आहे. बिनविरोध निवडणुकीच्या बैठकीत पक्षाला विश्वासात न घेतल्याने एकनाथ शिंदे शिवसेनेने स्वतंत्र बैठक घेत पूर्ण ताकदीने लढण्याचे संकेत दिले. आमदार अमोल खताळ आणि विठ्ठल लंघे या बैठकीला गैरहजर राहिल्याने चर्चांना उधाण आले आहे.