फुरसुंगी-उरुळी देवाची: २८ नगरसेवकांवर बनावट कागदपत्रांचा आरोप

फुरसुंगी-उरुळी देवाची नगरपरिषदेचे नगराध्यक्ष संतोष सरोदे यांच्यासह २८ नगरसेवकांवर निवडणुकीच्या शपथपत्रासोबत बनावट कागदपत्रे जोडल्याचा आरोप झाला आहे. सामाजिक कार्यकर्ते नितीन गायकवाड यांनी राज्य निवडणूक आयोगाकडे तक्रार दिली असून, जिल्हाधिकारी कार्यालयाने मुख्याधिकारी प्रसाद शिगटे यांना सात दिवसांत चौकशी अहवाल सादर करण्याचे आदेश दिले आहेत. नगराध्यक्ष सरोदे यांनी आरोप खोटे असल्याचे म्हटले आहे.