જામનગરમાં સ્વચ્છતા અભિયાન: મંત્રી વાઘેલા સહિત અધિકારીઓએ શ્રમદાન કર્યું

જામનગરના રણમલ તળાવ-૩ ખાતે યોજાયેલા સ્વચ્છતા અભિયાનમાં રાજ્યકક્ષાના મંત્રી દર્શનાબેન વાઘેલા સહભાગી થયા હતા. 'એક દિન, એક ઘંટા, એક સાથ'ના સંકલ્પ સાથે મંત્રી, ડેપ્યુટી મેયર, કલેક્ટર, કમિશનર સહિત અધિકારીઓ, કોર્પોરેટરો અને સ્વચ્છતાકર્મીઓએ શ્રમદાન કરી સ્વચ્છતા પ્રત્યે પ્રતિબદ્ધતા વ્યક્ત કરી. આ અભિયાન ગાંધીજયંતિ નિમિત્તે દેશભરમાં શરૂ થયેલા 'સ્વચ્છતા હી સેવા' અભિયાનનો ભાગ છે, જેનો હેતુ જનભાગીદારી દ્વારા સ્વચ્છતાને સામૂહિક જવાબદારી બનાવવાનો છે.