एसआयआरसाठी राष्ट्रवादीचे २८८ मतदारसंघांत समन्वयक

मतदार याद्यांच्या विशेष सखोल पुनर्रिक्षणासाठी (एसआयआर) राष्ट्रवादी काँग्रेसने राज्यातील सर्व २८८ विधानसभा मतदारसंघांत समन्वयक नेमले आहेत. प्रदेशाध्यक्ष खासदार सुनील तटकरे यांनी ही माहिती दिली. विद्यमान व माजी आमदारांसह पदाधिकाऱ्यांना मतदारसंघनिहाय जबाबदारी देण्यात आली असून, नंदुरबारपासून सिंधुदुर्गपर्यंत आणि मुंबईपासून विदर्भापर्यंत पक्षाची संघटनात्मक यंत्रणा उभी करण्यात आली आहे.