नाशिक महापालिकेचा मालमत्ता नाव बदल विलंब शुल्कात मोठी कपात

नाशिक महापालिकेने मालमत्ता कर आणि पाणीपट्टी नोंदींमध्ये नाव बदल करण्यास विलंब झाल्यास दरमहा आकारल्या जाणाऱ्या शुल्काची पद्धत रद्द केली आहे. आयुक्त मनीषा खत्री यांच्या नव्या आदेशानुसार आता प्रत्येक प्रकरणासाठी एकरकमी केवळ ५० रुपये विलंब शुल्क आकारले जाईल. पूर्वी मालमत्ता करासाठी दरमहा ५० रुपये (कमाल ८ हजार) आणि पाणीपट्टीसाठी दरमहा ३० रुपये (कमाल ५ हजार) आकारले जात होते. जुन्या प्रकरणांमध्ये भरलेल्या शुल्काचा परतावा मिळणार नाही.