છાપાંમાં લપેટેલું ખાવું આરોગ્ય માટે જોખમકારક: એફએસએસએઆઈ

એફએસએસએઆઈએ છાપાં કે છાપેલા કાગળમાં ખાવાનું લપેટીને વેચવા-પીરસવા પર પ્રતિબંધ મૂક્યો છે. છાપકામની શાહીમાં સીસું સહિતનાં રસાયણો હોય છે, જે ગરમ ખોરાકના સંપર્કમાં આવતાં ખોરાકમાં ભળી જાય છે અને લિવર, મગજ તથા અન્ય અવયવોને નુકસાન પહોંચાડી શકે છે. બાળકો અને સગર્ભા મહિલાઓ માટે આ જોખમ વધુ ગંભીર છે. નિષ્ણાતોએ ફૂડ-ગ્રેડ પૅકેજિંગનો ઉપયોગ કરવાની સલાહ આપી છે.