ऑक्टोबर उकाडा वाढला; कोकणातील ६ जिल्ह्यांना यलो अलर्ट

मान्सून ओसरल्यानंतर महाराष्ट्रात 'ऑक्टोबर हिट'चा तडाखा जाणवत असून ३ ऑक्टोबर रोजी कोकण किनारपट्टीसह बहुतांश भागांत तीव्र उकाडा आणि दमट हवामान राहण्याचा अंदाज हवामान विभागाने वर्तवला आहे. पालघर, ठाणे, मुंबई, रायगड, रत्नागिरी आणि सिंधुदुर्ग या सहा जिल्ह्यांना यलो अलर्ट जारी करण्यात आला आहे. मुंबई व नाशिकमध्ये तापमान २७ ते ३५ अंश सेल्सिअस, तर छत्रपती संभाजीनगरमध्ये ३७ अंशांपर्यंत जाण्याची शक्यता आहे.