महाराष्ट्रात मान्सूनचा प्रभाव कमी, उकाडा वाढण्याची शक्यता

महाराष्ट्रात मान्सूनच्या परतीचा प्रवास सुरू असून २ ऑक्टोबरला बहुतांश भागात पावसाचा जोर कमी राहण्याची शक्यता आहे. कोकण-गोवा, मध्य महाराष्ट्र, मराठवाडा आणि विदर्भासाठी कोणताही विशेष इशारा नसून काही ठिकाणी हलक्या सरी व मेघगर्जनेसह पाऊस पडू शकतो. पुण्यात किमान २२ अंश आणि कमाल ३३ अंश तापमान राहील. पावसाचा प्रभाव कमी होताच ऑक्टोबरमध्ये उकाडा वाढण्याची शक्यता हवामान खात्याने वर्तवली आहे.