काँग्रेस कार्यालयातील आदिवासी विद्यार्थ्यांवरील कारवाईवर टीका

नाशिकहून मुंबईत लाँगमार्च करत आलेल्या आदिवासी विद्यार्थ्यांना दादरच्या काँग्रेस कार्यालयातून मध्यरात्री अटक केल्याचा काँग्रेसने तीव्र निषेध केला आहे. प्रदेशाध्यक्ष हर्षवर्धन सपकाळ यांनी पोलिसांनी विद्यार्थी व एनएसयूआय पदाधिकाऱ्यांची तत्काळ सुटका करावी, अन्यथा वर्षा बंगल्याला घेराव घालण्याचा इशारा दिला. मुंबई काँग्रेस अध्यक्ष वर्षा गायकवाड यांनीही कारवाईवरून जंगलराजचा सवाल केला.