ఎర్రవల్లి భూ కుంభకోణం: కేసీఆర్ కుటుంబానికి నోటీసులు?

సిద్దిపేట జిల్లా ఎర్రవల్లిలోని సర్వే నంబర్ 325లో 45 ఎకరాల భూమి రికార్డుల్లో లేకుండా పోయిన ఘటనపై రెవెన్యూ అధికారులు విచారణ చేపట్టారు. రికార్డుల ప్రకారం 388 ఎకరాలు ఉండాల్సి ఉండగా, క్షేత్రస్థాయిలో 343 ఎకరాలు మాత్రమే ఉన్నట్లు గుర్తించారు. ఈ వివాదాస్పద సర్వే నంబర్‌కు ఆనుకుని కేసీఆర్ కుటుంబ భూములు ఉండటంతో, వారికి నోటీసులు జారీ చేసే అవకాశం ఉంది. ప్రభుత్వం ఆ భూమిని స్వాధీనం చేసుకుని అమరవీరుల కాలనీ నిర్మించాలని నిర్ణయించింది.