राणीबागेत आशियाई सिंह येण्याचा मार्ग मोकळा

मुंबईतील राणीबाग प्राणिसंग्रहालयात आशियाई सिंह लवकरच दाखल होणार आहेत. महापौर रितू तावडे यांनी गुजरातचे मुख्यमंत्री भूपेंद्रभाई पटेल यांची गांधीनगर येथे भेट घेतल्यानंतर जुनागढचे साकरबाग व मुंबई प्राणिसंग्रहालय यांच्यात सामंजस्य करार करण्याचे निर्देश देण्यात आले. साकरबागकडून दोन जोड्या आशियाई सिंह मिळतील, तर बदल्यात तीन जोड्या टफ्टेड कॅपुचिन माकडे दिली जातील.