स्वाभिमानी शेतकरी संघटनेचे महामार्गावर ४४ तासांपासून आंदोलन

ऊसाला प्रतिटन ४ हजार ५०० रुपये पहिली उचल मिळावी या मागणीसाठी स्वाभिमानी शेतकरी संघटनेचे आंदोलन आज तिसऱ्या दिवशीही सुरू आहे. राजू शेट्टी यांच्या नेतृत्वाखाली कोल्हापूर जिल्ह्यातील किणी टोलनाक्याजवळ पुणे-बंगळुरू राष्ट्रीय महामार्ग गेल्या ४४ तासांपासून रोखण्यात आला आहे. पालकमंत्री आणि साखर कारखानदारांसोबतची बैठक निष्फळ ठरल्याने आंदोलन तीव्र झाले असून कोल्हापूर, सांगली आणि कर्नाटकातील शेतकरी मोठ्या संख्येने सहभागी झाले आहेत.