महाराष्ट्रात मान्सून पुन्हा सक्रिय; १३ ऑगस्टपासून पावसाचा जोर वाढणार

हवामान विभागाने बंगालच्या उपसागरात कमी दाबाचे क्षेत्र निर्माण होण्याचा अंदाज वर्तवला असून, त्याचा परिणाम म्हणून महाराष्ट्रात मान्सून पुन्हा सक्रिय होणार आहे. १३ ऑगस्टपासून पावसाचा जोर वाढण्याची शक्यता असून, कोकण, मुंबई आणि घाटमाथ्यावर मुसळधार पाऊस होऊ शकतो. सखल भागात पाणी साचणे, भूस्खलन आणि झाडे कोसळण्याचा धोका लक्षात घेता नागरिकांना सतर्क राहण्याचे आवाहन करण्यात आले आहे.