शिवसेना प्रकरणात राणा केसचा दाखला; ठाकरेंची अपात्रतेची मागणी

सुप्रीम कोर्टात शिवसेना पक्ष-चिन्ह प्रकरणाच्या सुनावणीत उद्धव ठाकरेंच्या वकिलांनी राजेंद्र सिंह राणा प्रकरणाचा दाखला देत एकनाथ शिंदे आणि त्यांच्या आमदारांना अपात्र ठरवण्याची मागणी केली आहे. २००७ मध्ये राणा प्रकरणात १३ आमदारांना अपात्र ठरवण्यात आले होते. विधानसभा अध्यक्ष आणि निवडणूक आयोगाचे निर्णय बेकायदेशीर असल्याचा युक्तिवाद कपिल सिब्बल आणि देवदत्त कामत यांनी केला.