एल निनोचं रौद्ररूप; शंभर वर्षांतील शक्तिशाली घटना ठरण्याचा अंदाज

ब्रिटनच्या हवामान विभागाच्या अहवालानुसार, यंदा एल निनो अत्यंत तीव्र रूप धारण करू शकतो आणि गेल्या शंभर वर्षांतील सर्वात शक्तिशाली घटनांपैकी एक ठरू शकतो. प्रशांत महासागरातील पाण्याचे तापमान सरासरीपेक्षा २.६ अंशांनी वाढले असून, नोव्हेंबरपर्यंत ते ३.९ अंशांपर्यंत जाण्याची शक्यता आहे. याचा परिणाम भारतासह जगभरातील हवामानावर होऊ शकतो, ज्यामुळे मान्सून, शेती आणि तापमानवाढीवर परिणाम होण्याची चिंता व्यक्त केली जात आहे.