निकृष्ट औषधे आढळल्याने १.२५ लाख गोळ्या परत

महाराष्ट्र एफडीएच्या गुणवत्ता चाचणीत पॅरासिटामॉल-५०० आणि टेल्मीसार्टन-४० ही दोन औषधे निकृष्ट आढळली. नागपूरच्या शासकीय वैद्यकीय महाविद्यालय व रुग्णालय आणि इंदिरा गांधी शासकीय वैद्यकीय महाविद्यालय व रुग्णालयात पुरवलेल्या या औषधांचा साठा तातडीने परत मागवण्यात आला. सुमारे १.२५ लाख पॅरासिटामॉल गोळ्या वितरणातून हटवल्या; २५ हजार गोळ्या साठ्यात शिल्लक होत्या. निकृष्ट औषध म्हणजे बनावट नव्हे, असे एफडीएने स्पष्ट केले.