जरांगेंविरोधात पत्रकार परिषद; पोहेकरांना धमकीचे फोन

जालना जिल्ह्यात मनोज जरांगे यांच्या विरोधात पत्रकार परिषद घेतल्यानंतर आपल्याला व कुटुंबीयांना धमकीचे फोन आल्याचा आरोप शिवसेनेचे जालना उपजिल्हाप्रमुख धनंजय पोहेकर यांनी केला आहे. जरांगे यांनी बीडमध्ये आंदोलन करावे, अशी भूमिका पोहेकर यांनी मांडली होती. धमकी देणाऱ्यांनी दारू प्यायल्याचाही त्यांचा आरोप आहे. या प्रकरणी अधिकृत प्रतिक्रिया किंवा पोलीस तक्रारीची माहिती अद्याप समोर आलेली नाही.