बीडमध्ये दुष्काळ पाहणी; रोहित पवारांची मदतीची मागणी

मराठवाड्यातील दुष्काळसदृश परिस्थितीच्या पाहणीसाठी आमदार रोहित पवार यांनी बीड जिल्ह्यातील अंबाजोगाई तालुक्यातील दगडवाडी येथे शेतकऱ्यांच्या बांधावर जाऊन पिकांची पाहणी केली. पावसाअभावी पिकांचे नुकसान होत असल्याने शेतकरी व शेतमजुरांसमोर आर्थिक संकट निर्माण झाल्याचे त्यांनी सांगितले. शेतकऱ्यांना हेक्टरी किमान ५० हजार रुपये, शेतमजूर कुटुंबांना २५ हजार रुपये मदत आणि जनावरांसाठी तातडीने चारा छावण्या सुरू करण्याची मागणी त्यांनी केली.