മാധ്യമ സ്വാതന്ത്ര്യത്തിൽ നിലപാട് മാറ്റമില്ലെന്ന് എം സ്വരാജ്

റിപ്പോർട്ടർ ചാനലിന്റെ ന്യൂസ് ഡെസ്കിൽ പോലീസ് കയറിയതിനെ വിമർശിച്ചതിൽ നിലപാട് മാറ്റമില്ലെന്ന് സിപിഎം സംസ്ഥാന സെക്രട്ടേറിയറ്റ് അംഗം എം സ്വരാജ് വ്യക്തമാക്കി. മീഡിയവണ്ണിനെയും ഏഷ്യാനെറ്റിനെയും പിന്തുണച്ചത് അവയുടെ രാഷ്ട്രീയത്തോടുള്ള യോജിപ്പുകൊണ്ടല്ല, പ്രവർത്തന സ്വാതന്ത്ര്യത്തോടുള്ള ബോധ്യംകൊണ്ടാണെന്ന് അദ്ദേഹം ഫേസ്ബുക്കിൽ കുറിച്ചു. ചാനലുകളുടെ സംപ്രേഷണാവകാശം തടയുന്നതിനെ എതിർക്കുമെന്നും മാധ്യമങ്ങളുടെ രാഷ്ട്രീയം തുറന്നുകാട്ടുമെന്നും അദ്ദേഹം പറഞ്ഞു.