रस्ते अपघात रोखण्यासाठी आधुनिक तंत्रज्ञानाचा वापर करा: प्रताप सरनाईक

राज्य रस्ता सुरक्षा परिषदेच्या १३व्या बैठकीत परिवहन मंत्री प्रताप सरनाईक यांनी अपघात नियंत्रणासाठी आधुनिक तंत्रज्ञान, रस्ता सुरक्षा लेखापरीक्षण आणि 'गोल्डन अवर'मध्ये तातडीने उपचारांवर भर देण्याचे निर्देश दिले. 'पीएम-राहत' योजनेची प्रभावी अंमलबजावणी, १०८ व खासगी रुग्णवाहिकांसाठी एकात्मिक डिजिटल मंच, दर ५० किमी परिसरात सक्षम ट्रॉमा केअर सुविधा आणि ११ जिल्ह्यांमध्ये 'झीरो फॅटॅलिटी डिस्ट्रिक्ट' उपक्रम राबविण्याच्या सूचना या बैठकीत देण्यात आल्या.