दुष्काळासाठी बावनकुळे अध्यक्षतेखाली नऊ मंत्र्यांची उपसमिती

राज्यातील दुष्काळ, पाणीटंचाई आणि चारा टंचाईवर तातडीने उपाययोजना करण्यासाठी महसूलमंत्री चंद्रशेखर बावनकुळे यांच्या अध्यक्षतेखाली नऊ कॅबिनेट मंत्र्यांची मंत्रिमंडळ उपसमिती स्थापन करण्यात आली आहे. मुख्यमंत्री देवेंद्र फडणवीस यांच्या सूचनेनुसार ही समिती जिल्हानिहाय पाहणी, पीक नुकसानीचे पंचनामे, पाणी व चाऱ्याचे नियोजन करून आठवड्याला आढावा घेणार आहे. समिती शासनाला शिफारशी करणार असून मदत व पुनर्वसन विभागामार्फत समन्वय साधला जाईल.