एकल माता विद्यार्थ्यांसाठी स्वतंत्र धोरणाचा मार्ग मोकळा

एकल माता पालक कुटुंबातील विद्यार्थ्यांसाठी सर्वसमावेशक धोरण तयार करण्याच्या दिशेने राज्य सरकारने पुढचे पाऊल टाकले आहे. प्रस्तावित 'शैक्षणिक सहाय्य, संरक्षण आणि सक्षमीकरण धोरण-२०२६'साठी डॉ. हेमलता बागला यांच्या अध्यक्षतेखालील नऊ सदस्यीय समितीने अहवाल शासनाला सादर केला. उच्च व तंत्रशिक्षण मंत्री चंद्रकांत पाटील यांनी ही माहिती दिली. आर्थिक, सामाजिक अडचणींवर मात करून उच्च शिक्षण सुलभ करणे हा धोरणाचा उद्देश आहे.