थायलंडमध्ये पूर: 25 प्रांत बाधित, 8 मृत्यू

थायलंडमध्ये गेल्या 10 दिवसांपासून सुरू असलेल्या मुसळधार पावसामुळे बँकॉकसह 25 प्रांतांमध्ये पूरस्थिती गंभीर झाली आहे. आपत्ती निवारण विभागानुसार 5.45 लाखांहून अधिक नागरिक प्रभावित झाले असून किमान 8 जणांचा मृत्यू झाला आहे. बँकॉकमध्ये 200 हून अधिक तात्पुरते निवारे उभारले असून 3,000 पेक्षा अधिक नागरिक तिथे राहत आहेत; 31 मार्गांवरील वाहतूक तसेच काही बस आणि रेल्वे सेवा बंद आहेत.