മതം തിരിച്ചുള്ള വിവരങ്ങൾ തേടി കേന്ദ്ര സമിതി; സംസ്ഥാനങ്ങൾക്ക് ചോദ്യാവലി

രാജ്യത്തെ ജനസംഖ്യാ മാറ്റങ്ങൾ പഠിക്കുന്ന ഉന്നതതല സമിതി സംസ്ഥാനങ്ങളോട് മതാടിസ്ഥാനത്തിലുള്ള വിവരങ്ങൾ ആവശ്യപ്പെട്ടു. കഴിഞ്ഞ 15 വർഷത്തെ വാഹന രജിസ്ട്രേഷൻ, സ്കൂൾ പ്രവേശനം, വോട്ടർ പട്ടിക, മതസ്ഥാപനങ്ങൾ തുടങ്ങിയവയുടെ വിവരങ്ങളാണ് 35 ചോദ്യങ്ങളടങ്ങിയ ചോദ്യാവലിയിൽ തേടുന്നത്. എന്നാൽ മതാടിസ്ഥാനത്തിൽ വിവരങ്ങൾ ശേഖരിക്കുന്ന സംവിധാനം പല സംസ്ഥാനങ്ങൾക്കുമില്ലെന്ന് ഉദ്യോഗസ്ഥർ ചൂണ്ടിക്കാട്ടി. ജസ്റ്റിസ് പ്രകാശ് പ്രഭാകർ നൗലെകർ അധ്യക്ഷനായ സമിതിയെ 2026 മേയ് 26-ന് കേന്ദ്ര ആഭ്യന്തര മന്ത്രാലയം രൂപീകരിച്ചു.