सातारा खून प्रकरण उलगडले; वडील आणि चुलते अटकेत

सातारा जिल्ह्यातील शिरवळ-राजेवाडी रस्त्यालगत १४ सप्टेंबर रोजी आढळलेल्या १९ वर्षीय हर्षदा जाधव या तरुणीच्या मृतदेहाचे गूढ पोलिसांनी उकलले आहे. कौटुंबिक वादातून तिचा खून झाल्याचा संशय असून, तिचे वडील आणि चुलते यांना अटक करण्यात आली आहे. जेवणाच्या बहाण्याने कारमधून नेऊन मिरचीची चटणी डोळ्यात व तोंडात टाकून श्वास रोखल्याचे तपासात समोर आले.