ईस्टर्न फ्रीवे एक्स्टेंशनचा पहिला सेगमेंट उभारला

मुंबई-ठाणे दरम्यानची वाहतूक कोंडी कमी करण्यासाठी एमएमआरडीए १३.९ किमी लांबीचा सहा पदरी ईस्टर्न फ्रीवे एक्स्टेंशन उभारत आहे. भांडूप पंपिंग स्टेशनजवळ ९० टनांहून अधिक वजनाचा पहिला प्रीकास्ट सेगमेंट, खाली वाहतूक सुरू असतानाच यशस्वीरित्या बसवण्यात आला. हा मार्ग ठाण्यातील आनंद नगर ते घाटकोपरमधील छेडा नगर दरम्यान बांधला जात असून पूर्ण झाल्यावर प्रवासाचा वेळ २०-२५ मिनिटांवर येईल.