पुणे पदवीधर जागेवर भाजपकडून डॉ. स्मिता जाधव यांना उमेदवारी

विधान परिषदेच्या पुणे पदवीधर मतदारसंघासाठी भाजपने शरद लाड यांना डावलून डॉ. स्मिता योगेश जाधव यांना उमेदवारी जाहीर केली. दोन वर्षे तयारी करणाऱ्या लाड यांनी पक्षनिर्णयाचा आदर करत महायुतीच्या उमेदवारास पाठिंबा जाहीर केला. जाधव डॉ. डी. वाय. पाटील विद्यापीठाच्या प्र-कुलगुरू असून काँग्रेस आमदार सतेज पाटील यांच्या भाची आहेत. राष्ट्रवादीच्या हर्षदा देशमुख यांच्याशी प्रमुख लढत अपेक्षित आहे.