आडाचीवाडी ग्रामपंचायत महाराष्ट्रात प्रथम, ५ कोटींचे बक्षीस

मुख्यमंत्री समृद्ध पंचायतराज अभियान २०२५-२६ मध्ये पुणे जिल्ह्यातील पुरंदर तालुक्यातील आडाचीवाडी ग्रामपंचायतीने संपूर्ण महाराष्ट्रात प्रथम क्रमांक पटकावला. नाशिक येथील सोहळ्यात मुख्यमंत्री देवेंद्र फडणवीस आणि मंत्री जयकुमार गोरे यांच्या हस्ते तिला ५ कोटी रुपयांचे रोख बक्षीस व प्रशस्तीपत्रक प्रदान करण्यात आले. १०० टक्के कर वसुली, पाण्याचे नियोजन आणि लोकसहभागावर आधारित कामगिरीमुळे हा बहुमान मिळाला. याच सोहळ्यात अभियान २.० (२०२६-२७) चा शुभारंभ झाला.