అక్టోబర్ 16 వరకు అధికారుల బదిలీలపై నిషేధం పొడిగింపు

ఆంధ్రప్రదేశ్‌లో ప్రభుత్వ అధికారుల బదిలీలపై విధించిన తాత్కాలిక నిషేధాన్ని అక్టోబర్ 16 వరకు పొడిగిస్తూ రాష్ట్ర ప్రభుత్వం జీవో జారీ చేసింది. కేంద్ర ఎన్నికల సంఘం మార్గదర్శకాల ప్రకారం రాష్ట్ర ప్రధాన ఎన్నికల అధికారి పర్యవేక్షణలో ఈ ఉత్తర్వులు వెలువడ్డాయి. ప్రస్తుతం సాగుతున్న ప్రత్యేక సంక్షిప్త ఓటరు జాబితా సవరణ ప్రక్రియకు అంతరాయం కలగకుండా ఈ నిర్ణయం తీసుకున్నట్లు అధికార వర్గాలు తెలిపాయి. అక్టోబర్ 16న తుది ఓటరు జాబితా విడుదలైన వెంటనే బదిలీల నిషేధం తొలగిపోనుంది.