लातूर जिल्हा बँक निवडणुकीत रमेश कराड यांची माघार

लातूर जिल्हा मध्यवर्ती सहकारी बँकेच्या संचालकपदाच्या निवडणुकीत भाजपा आमदार रमेश कराड यांनी आपले दोन्ही उमेदवारी अर्ज मागे घेतले. तरुण नेतृत्वाला संधी देण्यासाठी ही माघार असल्याचे त्यांनी सांगितले. त्यांचे पुत्र ऋषीकेश कराड मात्र नागरी पतसंस्था व बँक मतदारसंघातून मैदानात कायम आहेत. अर्ज मागे घेण्याच्या शेवटच्या दिवशी १७ उमेदवारांनी माघार घेतली, त्यामुळे एकूण माघारींची संख्या ४५ झाली.