ढसाळांची कविता पोस्ट केल्याने कवीला पोलीस ठाण्यात बोलावले

अहिल्यानगरमधील कवी संतोष दौंडे यांनी नामदेव ढसाळ यांची कविता व्हॉट्सॲपवर शेअर केल्याने त्यांच्याविरोधात तक्रार झाली आणि त्यांना पाथर्डी पोलीस ठाण्यात चौकशीसाठी बोलावण्यात आले. पोलिसांनी ही कविता प्रसिद्ध असल्याने गुन्हा दाखल केला नसून, गावातील अतिक्रमण वादातील शिवीगाळीच्या तक्रारीची पार्श्वभूमी असल्याचे स्पष्ट केले. दौंडे यांनी मात्र अभिव्यक्ती स्वातंत्र्यावर गदा येत असल्याचा आरोप केला आहे.