എയിംസുകളിൽ മാത്രം 23,000 തസ്തികകൾ ഒഴിവ്; കേന്ദ്രത്തിനെതിരെ വി. ശിവദാസൻ

കേന്ദ്ര ആരോഗ്യ സ്ഥാപനങ്ങളിലെ തസ്തിക ക്ഷാമം ചൂണ്ടിക്കാട്ടി സിപിഎം രാജ്യസഭാംഗം ഡോ. വി. ശിവദാസൻ കേന്ദ്ര സർക്കാരിനെ രൂക്ഷമായി വിമർശിച്ചു. രാജ്യത്തെ 28 ദേശീയ പ്രാധാന്യമുള്ള ആരോഗ്യ സ്ഥാപനങ്ങളിൽ 23,000ത്തിലധികം തസ്തികകൾ ഒഴിഞ്ഞുകിടക്കുന്നതായി അദ്ദേഹം പറഞ്ഞു. എയിംസ് ന്യൂഡൽഹിയിൽ മാത്രം 2,921 തസ്തികകൾ ഒഴിവാണ്.