नाशिकमध्ये खड्ड्यांविरोधात शिवसेनेचा मोर्चा; राऊत यांची खूनाचे गुन्हे दाखल करण्याची मागणी

नाशिकमध्ये खड्ड्यांमुळे झालेल्या अपघातांतील मृत्यूंविरोधात शिवसेना नेते संजय राऊत यांच्या नेतृत्वात महापालिकेवर मोठा मोर्चा निघाला. राऊत यांनी खड्डे अपघातातील मृत्यू हे खून असून महापालिका आयुक्त आणि मंत्री गिरीश महाजन यांच्याविरुद्ध खूनाचे गुन्हे दाखल करण्याची मागणी केली. सत्ताधाऱ्यांच्या विरोधात निषेध व्यक्त करण्यासाठी मोर्चेकऱ्यांनी काळे कपडे परिधान केले होते.