माण परिसरात पावसाअभावी शेतीचे मोठे नुकसान झाले असून दुष्काळसदृश परिस्थिती निर्माण झाली आहे. जूनपासून पुरेसा पाऊस न पडल्याने बाजरी आणि मुगासारखी पिके जळून गेली आहेत. विहिरी व बोअरवेलचे पाणी आटल्याने पिण्याच्या पाण्यासाठी गावांमध्ये टँकर सुरू आहेत. हजारो रुपये खर्च करूनही उत्पन्न शून्य आल्याने शेतकरी हवालदिल झाले असून परतीचा पाऊस न पडल्यास पुढील हंगाम धोक्यात येण्याची भीती त्यांनी व्यक्त केली आहे.
माण परिसरात दुष्काळसदृश स्थिती, शेतकरी संकटात
Source: BBC Marathi