ലഹരിയും മാനസികാരോഗ്യവും: കാരണങ്ങൾ ഒന്നല്ല

ലഹരി ഉപയോഗത്തിലേക്ക് എത്തുന്നതിന് പിന്നിൽ മാനസികാരോഗ്യ പ്രശ്നങ്ങൾക്ക് വലിയ പങ്കുണ്ടെന്ന് ന്യൂറോ സൈക്യാട്രിസ്റ്റ് ഡോ. ഷാലിമ ഷംസുദ്ദീൻ. കൗതുകം, കൂട്ടുകാരുടെ സ്വാധീനം, മാനസിക സമ്മർദ്ദം, ഒറ്റപ്പെടൽ, കുടുംബത്തിലെ ആശയവിനിമയക്കുറവ്, ലഹരിപദാർത്ഥങ്ങളുടെ എളുപ്പലഭ്യത തുടങ്ങി പല ഘടകങ്ങളും ഒരുമിച്ചാണ് ഒരാളെ ലഹരിയിലേക്ക് നയിക്കുന്നത്. ലഹരി ഉപയോഗം വെറും ഇച്ഛാശക്തിയുടെ പ്രശ്നമല്ലെന്നും ചികിത്സ ആവശ്യമായ മാനസികാരോഗ്യ പ്രശ്നമായി കാണണമെന്നും അവർ പറയുന്നു.