गिरगाव चौपाटीवर २३ देशांच्या पर्यटकांची गणेशोत्सवात भागीदारी

मुंबईतील गिरगाव चौपाटीवर झालेल्या गणेश विसर्जन सोहळ्यात २३ देशांतील पर्यटकांनी उत्साहाने सहभाग घेतला. त्यांनी आरती केली, 'गणपती बाप्पा मोरया'चा जयघोष केला आणि पारंपरिक वेशभूषा परिधान करून ढोल-ताशांच्या गजरात उत्सवाचा आनंद लुटला. मुख्यमंत्री देवेंद्र फडणवीस यांनी या सहभागाचे कौतुक करत गणेशोत्सव हा महाराष्ट्राचा राज्यउत्सव असल्याचे सांगितले. पर्यटन विभागाच्या विशेष दालनामुळे पर्यटकांना मिरवणूक जवळून पाहण्याची संधी मिळाली.