ഗ്യാനേഷ് കുമാർ ബിജെപിയിൽ ചേരുന്നതായിരുന്നു ഭേദം: എം.എ. ബേബി

തെരഞ്ഞെടുപ്പ് കമ്മീഷന്റെയും കേന്ദ്ര സർക്കാരിന്റെയും നടപടികൾക്കെതിരെ സിപിഎം ജനറൽ സെക്രട്ടറി എം.എ. ബേബി രൂക്ഷ വിമർശനം ഉന്നയിച്ചു. മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെയും കമ്മീഷണർമാരുടെ നിയമന രീതിയെയും അദ്ദേഹം കടുത്ത ഭാഷയിൽ വിമർശിച്ചു. സുപ്രീംകോടതി നിർദേശം അവഗണിച്ചുവെന്നും പാർലമെന്റിലെ ഭൂരിപക്ഷം ദുരുപയോഗം ചെയ്തുവെന്നും ആരോപിച്ചു. ജനാധിപത്യപരമായ ബഹുജന സമരം വളർത്തിയെടുക്കണമെന്ന് അദ്ദേഹം ആവശ്യപ്പെട്ടു.