आष्टीत अवैध दारू व जुगारावर पोलिसांची धडक कारवाई

आष्टी पोलिस ठाण्याचे प्रभारी अधिकारी भारत पांढरे यांनी पदभार स्वीकारताच अवैध धंद्यांविरोधात मोहीम सुरू केली. तालुक्यातील विविध ठिकाणी छापे टाकून देशी-विदेशी दारू व जुगार साहित्यासह सुमारे ४५ हजार रुपयांचा मुद्देमाल जप्त करण्यात आला. पाच जणांवर जुगार तर चार आरोपींवर अवैध दारू विक्रीचे गुन्हे दाखल झाले असून कारवाईचे नागरिकांकडून स्वागत होत आहे.