जिल्हा सहकारी बँकेच्या निवडणुकीत गडाख यांची बिनविरोध निवड निश्चित

अहमदनगर जिल्हा सहकारी बँकेच्या संचालक मंडळाच्या निवडणुकीत नेवासा तालुका सोसायटी मतदारसंघातून माजी मंत्री शंकरराव गडाख यांचा एकमेव अर्ज दाखल झाला, त्यामुळे त्यांची बिनविरोध निवड जवळपास निश्चित आहे. इतर मतदारसंघांमध्ये अकोले, श्रीगोंदा, कर्जत येथे तीव्र चुरस असून बिगरशेती मतदारसंघात ५४ अर्ज आले आहेत. अनेक दिग्गजांना आव्हाने उभी राहिली असून माघारीच्या दिवशी राजकीय गणित ठरेल.