मुंबईतील नाल्यांवर जाळ्या; ३००-४०० कोटींचा खर्च

मुंबई महापालिकेने झोपडपट्टी परिसरातील नाल्यांमध्ये तरंगता कचरा रोखण्यासाठी सर्व नाल्यांवर जाळ्या बसवण्याचा विचार केला असून यासाठी ३०० ते ४०० कोटी रुपये खर्च अपेक्षित आहे. स्थायी समिती बैठकीत अनेक नाले कचऱ्याने भरले असल्याच्या तक्रारी उपस्थित झाल्या. अतिरिक्त आयुक्त अभिजित बांगर यांनी हा प्रयोग यशस्वी झाल्यास नालेसफाईचा खर्च भविष्यात कमी होईल, असे स्पष्ट केले.