जिल्हा परिषद शाळांसाठी माजी विद्यार्थ्यांना आवाहन

ठाणे जिल्हा परिषदेचे मुख्य कार्यकारी अधिकारी रणजित यादव यांनी दिवाळीनिमित्त जिल्हा परिषद शाळांच्या माजी विद्यार्थ्यांना आपल्या शाळेसाठी योगदान देण्याचे आवाहन केले आहे. स्वतः जिल्हा परिषद शाळेत शिकलेले यादव यांनी शाळेचे ऋण विसरू नका, असे आवाहन करत आर्थिक मदत, पुस्तके, संगणक, शैक्षणिक व क्रीडा साहित्य तसेच मार्गदर्शनाची सूचना केली. सक्षम शाळा अभियानांतर्गत शाळांचा कायापालट होऊ शकतो, असा विश्वास त्यांनी व्यक्त केला.