लोहारा दुष्काळ मोर्चात आमदार प्रवीण स्वामी यांच्यावर सोयाबीन फेकले

धाराशिव जिल्ह्यातील लोहारा तालुका दुष्काळग्रस्त जाहीर करण्याच्या मागणीसाठी काढलेल्या ट्रॅक्टर-बैलगाडी मोर्चादरम्यान आमदार प्रवीण स्वामी यांच्यावर संतप्त शेतकऱ्यांनी वाळलेले सोयाबीन फेकले. तहसील कार्यालयात निवेदन देताना ही घटना घडली. प्रशासनाने दुष्काळसदृश परिस्थिती नसल्याचा निष्कर्ष काढल्याने शेतकऱ्यांत नाराजी आहे. स्वामी म्हणाले की शेतकऱ्यांना रोष व्यक्त करण्याचा अधिकार आहे.